Бөлүмдөр
Жекшемби, 18-февраль
Талас

Бала тили — бал: Чоңойгондо апамдай сулуу кызды алып келем, - 5 жаштагы Алинур (фото)

Turmush -  Кичинекей балакайлардын айлана-чөйрөгө көз-караштары кандай? Алар сүйүүнү, жаман-жакшыны, таарыныч-сагынууну кандай түшүнөт? Ата-энелер жашоо-тиричилик менен жүрүп, балдарынын ой жүгүртүүлөрүн аңдабай калышы мүмкүн. Бул жолку каарманыбыз ата-энеси менен Бакай-Ата районунун Ынтымак айылында ата-энеси менен жашаган 5 жаштагы Алинур Кудайбергенов.

- Алинур, кайсы оюнчукту жакшы көрөсүң?

- Тачки

- Сен акылдуу баласыңбы же келишимдүүбү?

- Акылдуумун, келишимдүүмүн. Чоңойгондо апамдай сулуу кызды алып келем.

- Каякка алып келесиң?

- Апама келин кылып да.

- Кайсы жакта жашайсың?

- Биякта (колу менен көрсөтүп).

- Кимди жакшы көрөсүң?

- Атамды.

- Апаңды жакшы көрөсүңбү?

- Ооб, апамды жакшы көйөм. Анан чоң атамды, апчемдейди, акемди да жакшы көйүп таштайм.

- Чоңойгондо ким болосуң?

- Пйезидент болом.

- Президенттер эмне кылышат?

- Телевизойдон сүйлөйт, кычыйап кийинишет.

- Туулган күнүң качан?

- Менин туулган күнүм күн сайын болот да.

- Телефонду колдонгонду билесиңби?

- Ооба «Ютубга» кийгенди билем, интейнетке кием, «Одноклачсникке» отуйам, апчемдейге сүйлөп жөнөткөндү билем.

- Сени апаң кантип эркелетет?

- Телефон бейип эйкелетет, Шйектин мышыгы деп эйкелетет.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 631
Комментарии
Обсуждения закрыты
Көп окулду
Учурда окулуп жатат
×