Бөлүмдөр
Жекшемби, 18-ноябрь
Талас облусуБакай-Ата району 31.01.2018 16:44

Бала тили — бал: Балдарым атасына окшош болот го, - 5 жаштагы Нуркыз (фото)

Turmush -  Кичинекей балакайлардын айлана-чөйрөгө көз караштары кандай? Алар сүйүүнү, жаман-жакшыны, таарыныч-сагынууну кандай түшүнөт? Ата-энелер жашоо-тиричилик менен жүрүп, балдарынын ой-жүгүртүүлөрүнө көп маани бербей калышы мүмкүн. Бул жолку каарманыбыз — ата-энеси менен Бакай-Ата районунун Боо-Терек айылында жашаган 5 жаштагы Нуркыз Тулеканова.

- Нуркыз, чоңойгондо ким болосуң?

- Балдарды ыйлатып укол сайып, уколчу болом.

- Үйдөн кимди жакшы көрөсүң?

- Ырыскелди акемди.

- Сулуу балдар кандай болот?

- Нурлан Насип ырчыдай.

- Ал ырчы сага жагабы?

- Ооба.

- Анын эмнеси жагат?

- Жакшынакайы жагат.

- Сенин күйөөң барбы?

- Ооба бар. Ал ар кимдин коюн багып жүрөт. Бир эле коюбуз бар болчу, азыр көбөйүп калган.

- Канча койго көбөйдү?

- 6 койго көбөйүп калган.

- Күйөө деген эмне?

- Күйөө деген киши ал.

- Кийин чоңойгондо канча балалуу болосуң?

- Азыр менин балам бар. Аты Алихан, 1 жашта (колундагы куурчагын көрсөтүп). 3 кыз, 3 балалуу болом. 3 кыз мага окшош болот, 3 бала атасына окшош болот го. Менчи күйөөмө жолукканда акырын басып, эшикти жабып, анан чуркап барып жолугам да.

- Кандай тамакты жакшы көрөсүң?

- Манты.

- Сен апаңа жардам бересиңби?

- Апам камыр жаят, мен манты түйөм.

Нуркыз үй-бүлөдө 5 бир туугандын кенжеси.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×