Бөлүмдөр
Жекшемби, 18-ноябрь
Талас облусуБакай-Ата району 05.02.2018 17:01

Айыл турмушу: Бакай-аталык 14 жаштагы А.Нусупбеков грек-рим күрөшү боюнча ийгиликтерди жаратууда (фото)

Turmush -  Бакай-Ата районунун Миң-Булак айылынын 14 жаштагы тургуну Абдуазиз Нусупбеков грек-рим күрөшү боюнча ийгиликтерди жарата баштады. Аймактык кабарчы балбан жигит менен таанышты.

Өзүнүн айтымында, 2013-жылдан бери спорт менен машыгат. Учурда 8-класстын окуучусу.

«Мен 5-классымдан бери күрөшкө катышып келем. Күрөшкө агам Мубидин түрткү болуп катыштырган. «Аганы көрүп ини өсөт» дегендей акемди көрүп, күрөшкө катышып калдым. Акем да мелдештерден алдыңкы байгелерди алып келчү. 5 -классымда айылдагы залга барып, машыктыруучум Бакыт Алымбеков агайымдын колунда машыга баштадым. Өзүм кызыгып машыга баштагандыктан бат эле өздөштүрүп кеттим. 4 жылдын ичинде 15 медаль, 16 дипломдун ээси болгонго жетиштим. Медалдарымдын көпчүлүгү 1-орун үчүн берилген. Район, облустук турнирлерден 1-орундарды багындырып жүрөм. Жаш өспүрүмдөр көбүнчө район, облустар аралык эле мелдешке катышат эмеспи.

Азыркы учурда 39 кг салмак менен күрөшүп, Таластын ичинен эле ийгиликтерди жаратып жатам. Күнүнө кечкисин саат 18:45тен 21:00гө чейин машыгып турам. Менин ар бир жараткан ийгиликтерим менен чоң апам, ата-энем, бир туугандарым жана агайым сыймыктанып келет», - деди ал.

Балбан бала үй-бүлөдө 5 бир туугандын үчүнчүсү.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×