Turmush — Бакай-Ата районунда узап бара жаткан 2022-жылда бир катар иштер аткарылып, дагы бир топ долбоорлор жүзөгө ашты. Аким Алгынбай Имаров райондогу көрсөткүчтөр боюнча маалымат берди.
Акимдин айтымында, 2022-жылдын алдын ала жыйынтыгында райондун социалдык-экономикалык өнүгүүсүндө экономикага түздөн-түз таасир берүүчү көрсөткүчтөрү негизинен оң динамикага жетише алды.
«Санарип аймак» автоматташтырылган тутумуна жергиликтүү өз алдынча башкаруу органдарындагы чарба китептериндеги жарандардын жеке маалыматтарын киргизүү 2020-жылдын октябрь айында башталган. 2022-жылдын 1-декабрына карата такталган маалыматка таянсак, район боюнча тутумга жалпы 81% калктын жана 98% кожолук киргизилген.
Президенттин 18 жарлыгы, Министрлер кабинетинин 3 тапшырмасы, 17 токтому, 29 тескемеси, Президенттин администрациясынын 9 тапшырмасы, 6 буйругу, Жогорку Кеңештин 3 тапшырмасы, Кыргыз Республикасынын министрликтеринен, агенттигинен жана департаменттеринен 107 кайрылуу, ошондой эле президенттин Талас облусундагы ыйгарым укуктуу өкүлчүлүгүнөн 708 тапшырма жана 42 буйрук келип түшүп, бүгүнкү күндө аткарылып жатат.
Негизги экономикалык көрсөткүчтөр:
Район боюнча 2022-жылдын январь-ноябрь айларында өнөр жай продукцияларын өндүрүү продукцияларын эсепке алганда 30 млн 382,3 миң сомго өндүрүлүп, өткөн жылга салыштырмалуу өсүү темпи 218% түзгөн. 2022-жылдын январь-ноябрь айларында салыштырмалуу көлөм менен алганда элге кызмат көрсөтүү 1 млрд 92 млн 637 миң сомду түзүп, өсүү темпи өткөн жылга салыштырмалуу 101,3 пайызга, чекене соода жүгүртүү 696 млн 761,1 миң сомду түзүп, өткөн жылга салыштырмалуу 103 пайызга, автомобиль транспорту менен 107,3 миң тонна жүк ташылып өткөн жылдын ушул мезгилине салыштырмалуу 103,7%, жүргүнчүлөрдү ташуу 28 млн 547,1 километрди түзүп 102,8 пайызды түздү.
Бакай-Ата районунун социалдык-экономикалык жактан өнүктүрүү жаатында жергиликтүү өз алдынча башкаруу органдарынын жана райондогу мекеме-уюмдары менен биргеликте жыл ичинде бир нече иш-чаралар жүргүзүлгөн. Алсак ишкердикти колдоо үчүн шарттарды түзүү, тикелей инвестицияларды тартуу, райондун экономикасын өнүктүрүүгө жана жумуш орундарын түзүүгө багытталган инвестициялык долбоорлорду ишке киргизүү иштери жүргүзүлгөн. Натыйжада айыл аймактарда 676 млн 763,0 миң сом көлөмүндөгү 116 иш-чара боюнча иш жүргүзүлүп, 140 жаңы иш орундары пайда болгон. Мунун ичинен жалпы суммасы 226,8 млн сомду түзгөн 86 иш-чара аягына чыгарылып, бир нече социалдык объектилерди куруу, капиталдык оңдоо, кайра иштетүүчү ишканаларды ачуу, ирригациялык объектилерди оңдоо жана куруу, жолдорду асфальтоо, жашылдандыруу, таза суу менен камсыздоо иштери, жаңы техникаларды сатып алуу боюнча иштер жүргүзүлгөн.
Мамлекеттик бюжет:
Финансы жана экономика тармагына токтолсок, мамлекеттик бюджеттин киреше бөлүгү 2022-жылдын 11 айында мамлекеттик Салык кызматынын райондук башкармалыгына белгиленген план 84 млн 591,8 миң сом болсо, иш жүзүндө 86 млн 707,3 миң сомдук төлөмдөр өндүрүлүп, план 102,5 % аткарылган. Ал эми былтыркы жылга салыштырмалуу 16 млн 118,3 миң сомго көп салыктар өндүрүлгөн же өсүү темпи 122,8%. Республикалык бюджеттен берилген расмий түрдө трансферттердин көлөмү район боюнча 36 млн 717,9 миң сомду түзсө, анын ичинен теңдештирүүчү грант 16 млн 609,1 миң сом жана максаттуу гранттар 20 млн 108,8 миң сом болуп, райондо дотациянын деңгээли 26,4 пайызды түздү же өткөн жылдын ушул мезгилине салыштырмалуу 2,2% азайган.
Республикалык бюджеттен берилген расмий түрдө трансферттердин көлөмү район боюнча 36 млн 717,9 миң сомду түзсө, анын ичинен теңдештирүүчү грант 16 млн 609,1 миң сом жана максаттуу гранттар 20 млн 108,8 миң сом болуп, дотациянын деңгээли райондо 26,4 пайызды түздү же өткөн жылдын ушул мезгилине салыштырмалуу 2,2% азайган. Быйылкы жылда дотациядан Бакай-Ата, Боо-Терек жана Оро айыл өкмөттөрү чыккан.
Ал эми былтыркы жылга салыштырмалуу айыл аймактары боюнча алсак, Бакай-Ата а/а 5,9 % (салыштырмалуу 5,7% көбөйгөн), Акназаров айыл аймагы 28,7% (салыштырмалуу 11,9% азайган), Шадыкан айыл аймагы 53,6% (салыштырмалуу 8,5% азайган), Кең-Арал айыл аймагы 44,2% (салыштырмалуу 15,4% азайган), Ак-Дөбө айыл аймагы 47,7% (салыштырмалуу 6,5% көбөйгөн), Өзгөрүш айыл аймагы 45,3% (салыштырмалуу 6,6% көбөйгөн), Миң-Булак айыл аймагы 56,7% (салыштырмалуу 2,9% көбөйгөн), Боо-Терек айыл аймагы 17,0% (салыштырмалуу % азайган), Оро айыл аймагы 5,5% (салыштырмалуу 3,5% көбөйгөн).
ККМ аппараттарын ишке киргизүү:
Министрлер кабинетинин төрагасы Акылбек Жапаровдун 2021-жылдын 31-декабрындагы №713 тескемесин аткаруу максатында президенттин Талас облусундагы ыйгарым укуктуу өкүлүнүн аппаратынын 2021-жылдын 30-декабрындагы 293-б сандуу буйругунун негизинде, салык жол-жоболорун фискалдаштыруунун электрондук системасын киргизүүнүн алкагында контролдук-кассалык машиналардын (ККМ) колдонулушун өркүндөтүүнү камсыздоо максатында Бакай-Ата районунда төмөндөгүдөй иштер аткарылган:
Бакай-Ата районунда ККМ аппараттарын колдонууга милдеттүү болгон ишкерлик субъекттеринин жалпы саны 227 болсо, анын ичинен 225 субъектине ККМ аппараты онлайн орнотулуп, жалпы субъектинин 99,2% түздү.
Бакай-Ата районунда быйылкы жылы түрткү берүүчү гранттын эсебинен 22 млн 22 миң 400 сомго 6 долбоор жактырылган. Алар Акназаров айылында Э.Дүйшеев атындагы мектепке кошумча корпус (4 млн 765,8 миң сом), Шадыкан айылында бала бакча куруу (4 млн 70 миң сом), Бакай-Ата айылында Жунусов атындагы мектептин терезелерин алмаштыруу (3 млн 490,8 миң сом), Өзгөрүш айылындагы С.Собуров атындагы орто мектебине кошумча корпус куруу (3 млн 365,5 миң сом) жана Ак-Дөбө айылындагы бала бакчанын жылуулук системасынын капиталдык ремонту (2 млн 553,3 миң сом), Оро айылында Чолушев атындагы мектептин чатырын алмаштыруу (3 млн 777 миң сом).
Өзгөрүш айылындагы Собуров атындагы орто мектебине кошумча корпус
Ишкердик колдоо, жаңы ишканалар, жаңы жумушчу орундар
Өкмөтүтн 2018-жылдын 29-мартындагы №107 буйругу менен бекитилген иш-чаралар планынын алкагында жаңы ишканаларды ачуу жана жаңы жумушчу орундарын түзүү боюнча, 2022-жылдын жыл ичинде ар кандай багыттардагы жалпы сметалык наркы 54 млн 450 миң сомду түзгөн 24 жаңы чакан жана орто ишканалар ачылып, жалпысынан 630 жумушчу орундары түзүлгөн. Анын ичинен 490 жумушчу оруну мезгилдүү болсо, калган 140 жумушчу оруну ишканалардын эсебинен туруктуу түзүлгөн.
2022-жыл ичинде районго акимдин көргөн аракети менен жалпы 1 млрд 843.5 млн сомго тышкы инвестиция тартылган. Алсак Суусамыр—Талас—Тараз эл аралык маанидеги жолунун Кызыл-Сай айылындагы Үрмарал дарыясына Япония гранты аркылуу 1 млрд 530 млн сомго жаңы көпүрө жана 1 км аралыгын асфальттоо, Кытайдын гранты аркылуу жалпы сметалык наркы 110 млн сомду түзгөн Кызыл-Жар жана Жалпак-Тил каналдарын реконструкциялоо жана реабилитациялоо, иштери жүрүүдө. Долбоор ишке ашса Бакай-Ата районунун Акназаров, Шадыкан жана Бакай-Ата айылдарынын кошумча айдоо аянттары суугат суу менен камсыдалат.
Сауд Араб фонду тарабынан Өзгөрүш айыл аймагында жалпы суммасы 86 млн сомду түзгөн 275 орундуу типтүү мектептин экинчи кабаты курулууда. Араб фонду тарабынан Бакай-Ата айылына эски имаратты капиталдык ондоодон өткөрүү менен 20 млн сомго Мурас-Талас окуу лицейи ачылган. Сауд Араб фонду тарабынан Боо-Терек айылына жалпы суммасы 56 млн сомго 150 орундуу типтүү Д.Дүйшөбаев атындагы орто мектеп курулуп, пайдаланууга берилген. Бакай-Ата айыл аймагынын Наматбек айылына 5,5 млн сомго ФАП курулуп ишке берилген. Наматбек айылына 7 млн сомго, Ак-Дөбөайылына 3 млн сомго, Өзгөрүш айылынын Төңтөрт жамаатына 4 млн сомго мечиттер курулуп, пайдаланууга берилген. Кең-Арал айылына жалпы суммасы 22 млн сомго мечит жана ФАП курулуп ишке берилген.
Суусамыр-Талас-Тараз эл аралык маанидеги авто жолунун Кызыл-Сай айылындагы Урмарал дарыясына копуро салуу жана асфальттоо
Боо-Терек айылы Д.Дүйшөбаев орто мектеби
Өзгөрүш айылы Кашка-Жол орто мектеби
Наматбек айылы ФАП
Айыл чарбасы:
Бакай-Ата району боюнча 2022-жыл ичинде айыл чарба тармагында жүргүзүлгөн иштерге токтолсок, отчеттук мезгил ичинде айыл чарбасында кызмат көрсөтүү жана азык-түлүк өндүрүүнүн дүң көлөмү 3 млрд 626,7 млн сомду түздү.
2022-жылы 349 га күздүк аянттан 1165 тонна буудай жыйналып түшүмдүүлүгү гектарына 33,4 центнер, 219 гектар аянттан 546,8 тонна арпа жыйналып түшүмдүүлүгү гектарына 25,0 центнерден айланган. Ошондой эле 14080 гектар аянттан 21145,7 тонна төө буурчак жыйналып түшүмдүүлүгү гектарына 15,0 цн, 661 гектар аянттан 12253,2 тонна картошка жыйналып, түшүмдүүлүгү гектарына 185,4 центнер, 339 гектар аянттан 2269,1 тонна жүгөрү жыйналып түшүмдүүлүгү гектарына 66,9 центнер, 660 гектар аянттан 12368,4 тонна жашылча жыйналып түшүмдүүлүгү гектарына 187,4 центнерден айланган.
Ал эми 2023-жылдын азык-түлүк коопсуздугун камсыздоо максатында районго 850 гектар күздүк буудай эгүү план тапшырмасы коюлса, 1-декабрга карата 668 гектар күздүк буудай эгилген.
Мындан тышкары Бакай-Ата районунда болжолдуу 582 гектар мөмө бактары бар. 2022-жылдын 10-октябрына карата 9430,9 тонна алма жана 2882 тонна кара өрүк түшүмү жыйналып, коңшу өлкөлөргө экспорттолсо, 43200 кг кара өрүк кургатылган.
2022-жылдын түшүмү үчүн жаздык себүүсүнө карата үрөн чарбаларга жана айыл чарба товар өндүрүүчүлөргө мамлекеттик колдоо көрсөтүү багытында Өзгөчө кырдаалдар министрлигине караштуу Мамлекеттик материалдык резервдер фонду аркылуу, Россия Федерациясынан жана Казакстан Республикасынан сатылып алынган үрөндөр райондук агрардык башкармалыктар аркылуу ташылып келинип, товардык насыя аркылуу «Айыл Банк» тарбынан Бакай-Ата районуна 60,2 тонна буудай, 30 тонна арпа, жалпы 90,2 тонна урук каркатылды.
Ирригация тармагында: 2022-жылдын жыл ичинде райондук суу чарба башкармалыгы тарабынан бюджеттин эсебинен Обьединяющий, Кызыл-Жар, Кайназар-1, Көл-Түкөк каналдарынын башкы суу алуу курулушу, Көк-Жар-Н, Көк-Жар-В жана Калининский каналдары, Кең-Арал насостук станциясы оңдоодон өткөрүлүп, жалпы аткарылган иштердин суммасы 4 млн 894,7 миң сомду түзгөн.
Мындан тышкары Талас өнүгүү фондунун каржылоосу менен Көл-Түкөк каналынын 490 метр аралыгы 5 млн 22 миң сомго, Калининский каналынын 1658 м аралыгы 10,450 млн сомго бетондолуп, пайдаланууга берилген. Жогорудагы каналдар бетондолгонго чейин жер канал болгондуктан суунун агымы жай болуп жана суунун жоготуусу жогору болуп, дыйкандар айдоо аянттарына толук кандуу суу бере алышпай келишкен. Бетондолгондон кийин суунун агымы тез агып, айдоо аянттарын өз убагында суугарууга мүмкүнчүлүктөр жогорулаган жана дыйкандарга жогорку айыл чарба продукцияларын алууга шарт түзүлүүдө.
Көл-Түкөк каналы
Кытай Элдик Республикасынын гранты аркылуу жалпы сметалык наркы 110 млн сомду түзгөн Кызыл-Жар жана Жалпак-Тил каналдарын реконструкциялоо жана реабилитациялоо иштери жүрүүдө. Долбоор ишке ашса Бакай-Ата районунун Акназаров, Шадыкан жана Бакай-Ата айылдарынын кошумча айдоо аянттары сугат суу менен камсыдалат.
Ал эми СПАлар тарабынан 114 км аралыктагы ички арыктар тазаланып, 56 гектарга жакын шаабалар (шлюс регулятор) орнотулган. Ошондой эле Бириккен Улуттар Уюмунун Бүткүл дүйнөлүк азык-түлүк программасы аркылуу ар бир айыл аймакттарда СПАлар менен биргеликте каналдар тазаланып, шабаалар орнотулган.
Президенттин 2022-жылды Тоолордун экосистемасын коргоо жана климаттык туруктуулук жылы деп жарыялоо жөнүндөгү жарлыгынын жана «Жашыл мурас» өнөктүгүнүн алкагында аткарылып жаткан иштерге токтолсок:
Бакай-Ата райондун аймагындагы калктуу конуштардын социалдык инфраструктурасын, санитардык абалын жакшыртуу жана аймакты жашылдандыруу, көрктөндүрүү максатында 2022-жылдын 28-февралында буйрук чыгып, атайын райондук штабдын курамы бекитилген. Буйруктун негизинде мекеме уюмдарда жана айыл аймактарында ар бир жумада ишембиликтерди уюштуруу иштери жүргүзүлүп, жашылдандыруу максатында болжолдуу 55000 даана ар кандай тал терек, мөмө жемиштердин көчөттөрү отургузулган. Алсак райондук токой чарбасынын демилгеси менен Шадыкан айыл өкмөтүнүн аймагында жайгашкан токой чарбасына тиешелүү 1 гектар аянтка 450 даана алма көчөттөрү акимдин, райондук мекеме-уюмдардын жетекчилери, айыл өкмөт башчылары жана райондук мекеме-уюмдун кызматкерлери менен биргеликте олтургузулган. Ошондой эле Кара-Коюн өзөнүнө пезиденттин Талас облусундагы ыйгарым укуктуу өкүлүнүн катышуусунда райондук токой чарба башкармалыгынын демилгеси менен 5 гектар жерге 7300 даана кызыл карагай олтургузулган. Жалпысынан алганда 2022-жылга карата райондук токой чарбага милдеттендирилген 25 гектарга 11350 даана ийне жалбырактуу можжевельник, кызыл карагай, туя көчөттөрү, 3925 даана мөмө-жемиш көчөттөрү олтургузулган.
Ошондой эле, «Жашыл мурас» өнөктүгүнүн алкагында 2022-жылдын күз-кыш айларында Кең-Арал айыл аймагына 1 гектарга 500 түп карагай жана туя көчөттөрү отургузулду.
Мындан сырткары айыл аймактарды көрктөндүрүү максатында, «Жашыл мурас» улуттук компаниясынын негизинде, айыл өкмөт башчылары жана райондук мекеме-уюм жетекчилери тарабынан чечим кабыл алынып, коомдук объектилердин, социалдык жайлардын тегерегиндеги бош жаткан аянтчаларга көчөт олтургузуу акциялары жүргүзүлүп, жалпысынан 2000 даана ийне жалбырактуу жана мөмө-жемиш көчөттөрү олтургузулган.
Мал чарба тармагындагы абалды туруктуу кармоо максатында ветеринардык тейлөө иштери жүргүзүлгөн. Диагностикалык изилдөөлөр боюнча алсак, бодо малды жана үй канаттууларын туберкулез ылаңына каршы изилдөөлөргө план тапшырма 3950 башка белгиленсе, иш жүзүндө 4025 баш же белгиленген план 101,8% ды түзгөн. Бруцеллез ылаңына каршы 6303 баш ири мүйүздүү малдан кан алынса, мунун ичинен 1 баш ири мүйүздүү малдан ылаң аныкталып, ветеринардык эрежелерди негизинде союлуп жок кылынды.
Иттердин кутурма оорусуна каршы Талас айыл чарба колледжинин студенттери тартылып, биргеликте 5000 баш ит вакцинациядан өткөн. Айыл аймактарда жугуштуу кутурма, эхинококкоз, альвеококкоз ылаңдарын алдын алуу жана чынжырчасын үзүү багытында 543 ит атылып жок кылынган.
2021-жылдын 20-октябрындагы Кыргыз Респуликасынын Айыл чарба министрлигинин №367 буйругуна ылайык, жылкыларды идентификациялоо иштери жүргүзүлө баштаган. 2022-жылдын 10 айына карата жалпы 4856 баш жылкынын 3900 баш жылкыга чип басылып, идентификациядан өткөн же 80,3% түзөт. Айыл аймактары боюнча алсак, Бакай-Ата айыл аймагында 85,3%, Акназаров айыл аймагында 67,7%, Шадыкан айыл аймагында 80,6%, Кең-Арал айыл аймагында 84,5%, Өзгөрүш айыл аймагында 100%, Ак-Дөбө айыл аймагында 74,1%, Миң-Булак айыл аймагында 94,5%, Боо-Терек айыл аймагында 76,5%, Оро айыл аймагында 76.1% га аткарылган.
Жылкыларга чип басуу
Жол тармагы:
Райондук №47 жол тейлөө ишканасына тарабынан жолдорду орто оңдоо, утурумдук оңдоо, кышкы тейлөө, жайкы тейлөө жана башка иштер аткарылып, жалпы 53 млн 195,5 миң сомдук иштер аткарылган. Транспорт министрлиги аркылуу Бакай-Ата—Наматбек жолунун 1,2 км аралыгы 11 млн 170 миң сомго, Кызыл-Октябрь—Көк-Таш автожолунун 1 км аралыгы 10 млн 333 миң сомго, Талас—Калинин—Бакай-Ата автожолунун 2,4 км аралыгын 21 млн 120 миң сомго асфальттоо иштери бүткөрүлсө, ал эми Талас—Калинин—Бакай-Ата автожолунун Ынтымак—Түйтө участкасы 1,150 км аралыгына асфальт басылып, район боюнча жалпы 5,750 км аралыкка 53 млн 793,0 миң сомго асфальт басылды.
Мындан тышкары Суусамыр—Талас—Тараз эл аралык маанидеги жолунун Кызыл-Сай айылындагы Үрмарал дарыясына Япония гранты аркылуу 18 млн АКШ долларына жаңы көпүрө жана 1 км аралыгын асфальттоо боюнча иштер жүрүүдө.
Талас—Калинин—Бакай-Ата жолун асфальтоо
Республикалык бюджеттин Оро айыл өкмөтүнүн Кыргызстан айылындагы Ж.Тойчубеков атындагы 375 орундук мектептин курулушу 15 млн сомго каржыланып, чатыры жабылган. Миң-Булак айылындагы Д.Батырбашиев атындагы 375 окуу орундуу Чалдыбар мектеп-гимназиясынын курулушу 5 млн сомго каржыланып, экинчи кабаты тургузулган. Шадыкан айыл өкмөтүнүн Ынтымак айылындагы Капалов атындагы 375 орундуу мектептин курулушу 5 млн сомго каржыланып, экинчи кабаты тургузулууда. Оро айыл аймагынын 1-Май айылына 275 орундуу мектеп куруу иштери жаңыдан башталып, 5 млн сомго каржыланып, мектептин пайдубалы казылууда,
Шадыкан айылы Капалов атындагы 375 орундуу мектептин курулушу
Миң-Булак айылындагы Д.Батырбашиев атындагы 375 орундуу мектеп-гимназиясынын курулушу
Кыргызстан айылындагы Ж.Тойчубеков атындагы 375 орундук мектептин курулушу
Камсыздандаруу төлөмдөрү:
Турак жайды өрттөн жана табигый кырсыктардан милдеттүү камсыздандыруу боюнча 2022-жыл ичинде район боюнча 1795 турак жай камсыздандыруудан өткөрүлүп, белгиленген план тапшырма 68,3% орундалды. Социалдык объектилерди камсыздандыруу боюнча 61 объект камсыздандыруудан өткөрүлгөн. Ошондой эле 8 техника камсыздандырылган.
Таза суу:
Бакай-Ата районунда жалпысынан 19 айылдын 16 айылында суу түтүктөрү бар. 3 айылында суу түтүктөрү жок. Суу түтүктөрү негизинен 1937-1974-жылдар аралыгында курулган. 7 айыл — Бакай-Ата, Кызыл-Октябрь, Маданият, Үрмарал, Көк-Таш, Таш-Кудук, Боо-Терек айылдарындагы түтүктөр реаблитациялоо кылууга муктаж.
Оро айыл аймагы тарабынан калкты таза суу менен камсыз кылуу максатында «Альянс Алтын» өнүктүрүү фондуна 3 млн 700 миң сомго долбоор жазылып, өткөрүлгөн. Миң-Булак айыл өкмөтүндө жергиликтүү бюджеттен 79 миң 382 сом таза суу түтүктөрү сатылып алынып, жаңы көчөлөргө жаткыруу жагы пландалууда. Өзгөрүш айылында республикалык бюджеттин капиталдык салымдар беренеси аркылуу жалпысынан 82 млн сомго каржыланып, учурда 11 км аралыгы казылып, суу түтүктөрү жаткырылып, жалпысынан 25 млн сомдук иш аткарылды. Шадыкан айылынын Ынтымак айылында калкты таза суу менен камсыз кылуу максатында «Альянс Алтын» ишканасы тарабынан 1 млн 24 миң сом бөлүнүп, учурда суу киргизүү иштери жүрүп жатат.
Мындан тышкары Шадыкан айыл өкмөтү жергиликтүү тургундары таза суу менен камсыздоо максатында АРИС агенттиги менен 2022-жылга алкактык келишим түзүлгөн. Учурда долбоордук сметалык документ даярдалып жатат. Долбоор ишке ашса Шадыкан айылына караштуу Ынтымак айылынын жергиликтүү тургундары таза суу менен камсыз болот.
Күз-кыш мезгилдерине даярдык:
Бакай-Ата районунун калкын жана экономика тармактарынын 2022-2023-жылдардын күз-кыш мезгилине карата даярдыгы жөнүндө маалыматтарга токтолсок:
Президенттин Талас облусундагы ыйгарым укуктуу өкүлчүлүгүнүн 2022-жылдын 2-июнундагы Талас облусунун райондорунун жана Талас шаарынын экономика тармактарын жана калкынын 2022-2023-жылдын күз-кыш мезгилине даярдоо жөнүндө №130 буйругун аткаруу максатында Бакай-Ата райондук мамлекеттик администрациясы тарабынан буйрук чыгып, райондук штабдын курамы жана атайын иш-чаралар планы бекитилген.
Аталган буйруктун талаптарына ылайык, Бакай-Ата районунун экономикалык тармактарын жана калктын электр, жылуулук энергиялары жана көмүр отундары менен камсыздоо, ошондой эле айыл аймактарын 2022/2023-жылдагы күз-кыш мезгилден өтүүгө өз убагында даярдоо максатында белгиленген тапшырмалардын аткарылышы боюнча 7 жолу штабдын отуруму өттү.
Анда даярдыктарды уюштуруу боюнча иш чаралар планынын негизинде тапшырмалар белгиленип, жергиликтүү өз алдынча башкаруу органдарына көмүр отунун ташуу үчүн келишимдерди түзүүнү ыкчамдатуу боюнча кечиктирилгис чараларды уюштуруу милдети коюлган.
Бакай-Ата районунун билим берүү объектилерине күз-кыш жылытуу мезгилине 470 тонна көмүр отуну керектелет. 2022-жылдын 1-октябрына карата 470 тонна көмүр отуну келип түшүп, мектептер жана бала бакчалар 100% көмүр менен камсыздалган. Айыл аймактары боюнча алсак, Бакай-Ата айыл өкмөтүнө 60 тонна, Акназаров айыл өкмөтүнө 55 тонна, Шадыкан айыл өкмөтүнө 95 тонна, Ак-Дөбө айыл өкмөтүнө 55,0 тонна, Миң-Булак айыл өкмөтүнө 35,0 тонна, Боо-Терек айыл өкмөтүнө 64,0 тонна, Оро айыл өкмөтүнө 100,0 тонна, Кең-Арал жана Өзгөрүш айыл өкмөттөрүнө 3 таннадан көмүр түшүп, жалпы билим берүү объектилерине керектелүүчү көмүр толугу менен камсыздалган. Билим берүү тармагына көмүр ташуу үчүн тоннасын орточо баасы 4,8 миң сомдон жеке ишкерлер менен келишим түзүлүп алынган.
Райондун аймагында жалпысынан 21 орто мектеп болсо, анын ичинен көмүр жана электр энергиясы менен 4 мектеп жылытылып, көмүр отуну менен 9 мектеп жана электр энергиясы менен 8 мектеп жылытылат. Ал эми 17 бала бакчанын ичинен көмүр электр энергиясы менен аралаш 6 бала бакча жылытылат. Көмүр менен 3 бала бакча жана электр энергиясы менен 8 бала бакчасы жылытылат. 2022/2023-күз-кыш мезгилине карата айыл өкмөттөр электр энергиясы менен жылытылган мектеп, бала-бакчалардын жылытуу системасын башка альтернативдүү көмүр менен жылытуусун карап чыгуусу зарыл.
Ал эми жалпы дарыгерлик практика борборуна керектелүүчү 81 тонна жана райондук Санитардык эпидемиологиялык көзөмөлдөө борбору 15 тонна жалпысы 4,8 миң сомдон, жалпы медицина тармагына керектелүүчү 96 тонна көмүр отуну толугу менен камсыздалып, аймактардыгы ФАП жана ГСВ ларга бөлүштүрүлгөн. Билим берүү жана саламаттыкты сактоо тармактарына түшүрүлүп жаткан көмүр негизинен Кара-Кече жана Казакстандын Шабыркүл, Кара-Жыра көмүрү ташылган.
Райондун калкына алдыдагы күз кыш мезгилине 7500 тонна көмүр керектелүүсү болжолдонууда. Бүгүнкү күндө жергиликтүү калкты көмүр отуну менен камсыз кылууда 5407,5 тонна же 72,1% көмүр камсыздалган. Жалпы район боюнча калкты көмүр менен камсыз кылуу боюнча бүгүнкү күнгө карата жалпысынан 17 отун базалары иш алып барууда. Алардын 13 стационардык жана 4 мобилдүү көмүр отунун сатуучу пункттарда ишкерлер тарабынан көмүр ташып келүү жана сатуу иштери жүрүүдө. Бүгүнкү күнгө карата райондун көмүр базаларындагы запас 260 тоннаны түзөт. Жергиликтүү көмүрдүн 1 тоннасы 5300-5500 сомдон сатылууда.
Президенттин Талас облусундагы ыйгарым укуктуу өкүлү Б.Нарбековдун демилгеси жана «Альянс Алтын» компаниясынын каржылоосу менен Бакай-Ата районундагы айыл өкмөттөргө Кара-Кече көмүр кенинен алынып келинген көмүрлөр бөюнча маалымат.
| № | Айыл өкмөттөр | Салмагы (тн) | Баасы | эскертме |
| 1 | Ак-Дөбө | 125 | 5300 | |
| 2 | Мин-Булак | 150 | 5300 | |
| 3 | Өзгөрүш | 73 | 5300 | |
| 4 | Оро | 53 | 5300 | |
| 5 | Шадыкан | 51 | 5300 | |
| Жалпысы | 452 | 18 унаа |
Бакай-Ата районундагы айыл өкмөттөр тарабынан Кара-Кече көмүр кенинен алынып келинген көмүрлөр боюнча маалымат:
| № | Айыл өкмөттөр | Салмагы (тн) | Баасы | эскертме |
| 1 | Бакай-Ата | 120 | 5300 | |
| 2 | Шадыкан | 36 | 5300 | |
| 3 | Оро | 90 | 5300 | |
| 4 | Өзгөрүш | 36 | 5300 | |
| Жалпысы | 282 | 14 унаа |
Бакай-Ата районундагы айыл өкмөттөр тарабынан «Маймак» станциясынан алынып келинген Казакстандын Кара-Жыра көмүрү боюнча маалымат:
| № | Айыл өкмөттөр | Салмагы (тн) | Баасы | эскертме |
| 1 | Бакай-Ата | 25 | 6800 | |
| 2 | Шадыкан | 20 | 6800 | |
| 3 | Озгоруш | 30 | 6800 | |
| Жалпысы | 75 | 4 унаа | ||
| Жалпы район боюнча | 809 | 36 унаа |
Учурда райондун аймагындагы жергиликтүү тургундарга женилдетилген шартта көмүр отунун ташып келүү багытында иш алып барылууда.
Энергетика тармагы:
«Түндүкэлектро» ААК тарабынан пайдаланылган электр энергиясынын төлөмдөрүн өндүрүү боюнча жасалган анализге таянсак райондук электр тутумдары тарабынан 2022-жылдын 10 айынын аралыгында 68 млн 718,3 миң сомдук электр энергиясынын товардык продукциясы берилип, 72 млн 958,2 миң сому чогултулуп, өндүрүмдүүлүгү 106,1% түзгөн. Мунун ичинен калкка быйыл 38 млн 535,5 миң сомдук товардык продукция сатылса, анын өндүрүмү 41 млн 956,0 миң сомду түзгөн.
Жалпы район боюнча жыл башына карата жалпы дебитордук карыздар 21 млн 776,8 миң сом болсо, ушул жылдын 1-ноябрга карата карыз 17 млн 822,8 миң сомду түзүп, жыйынтыгында дебитордук карыз 3 млн 954 миң сомго азайган.
Энергетика системасынын жалпы жоготуулары норматив боюнча 13,25% белгиленсе, иш жүзүндө 13,94% түзүп, жалпы нормативден 0,69% көбөйгөн. Анын ичинен 8151,8 миң кВт саат техникалык жоготуулар катталып, белгиленген нормадан 128,1 миң кВт саатка азайган.
2022-жылдын ноябрь айына 8 млн 100 мин квт/саат берилсе, үстүбүздөгү жылдын 23-ноябрына чейин 6 млн 146 мин квт/саат колдонулуп, 246 мин квт/саатка ашыкча колдонулган. Суткалык лимит 286 мин квт/саат болсо, пайдаланылганы 333 миң квт/саатты түзгөн.
Райондук электр тутумдары тарабынан 2022-жылдын 10 айынын аралыгында ВЛ-10 кВ чыңалуудагы 8,6 км электр чубалгылары 665,4 миң сомго жана ВЛ-04 кВ чыңалуудагы 54,7 км электр чубалгылары 1 млн 912,8 миң сомго оңдоодон өткөрүлүп, 48 даана трансформатордук подстанциялар оңдоодон өткөрүлгөн.
Өнүктүрүү фонддору:
Министрлер кабинетинин 2021-жылдын 14-октябрындагы №220 сандуу токтому менен бекитилген региондорду өнүктүрүү фонддору жөнүндөгү жобонун негизинде Бакай-Ата районун өнүктүрүү фонду ачылып, юстиция органдарынан кайра каттодон өткөн. 2022-жылдын 10 айында өнүктүрүү фонду тарабынан 10 млн 381,5 мин сомго төмөндөгү 10 жумуштар аткарылган:
-
Өзгөрүш айыл өкмөтүнүн Сары-Куурай каналынын 5 км аралыгы 436 мин сомго механикалык тазалоодон өткөн;
-
Мин-Булак айыл өкмөтүнүн 215 метр ички арыктарына 407 миң сомго лотоктор орнотулду;
-
Бакай-Ата айыл өкмөтүндөгү социалдык-стационардык мекемесинин 900 метр квадрат аянтына 950 миң сомго брусчатка төшөлдү;
-
Акназаров айыл өкмөтүнүн маданият үйү 758 миң сомго капиталдык ремонттон өткөрүлдү;
-
Ак-Дөбө айыл өкмөтүнүн Өскөн-Арык каналынын 210м аралыгына 544,9 миң сомго лотоктор жаткырылууда;
-
Бакай-Ата райондук ветеринардык жана фитосанитардык коопсуздук боюнча башкармалыгына 285,7 миң сомго көчүп конуучу раскол жасалууда;
-
Акназаров айыл өкмөтүндөгү фельдшердик аккушердик пункту 1 млн 871 миң 479 сомго капиталдык ремонттон өткөрүлүүдө;
-
Бакай-Ата райондук маданият үйүнө Боз үй жана жабдыктар 699 миң сомго сатылып алынууда;
-
Шадыкан айыл өкмөтүнүн балдар бакчасына 927,8 мин сомго ойноочу аянтча курулууда;
-
Бакай-Ата айыл өкмөтүндө 3 млн 500 миң сомго 90 метр тереңдиктен суу алуучу скважинаны куруу иштери жүрүп жатат.
-
Кызыл-Октябрь клубду капиталдык ремонттон өткөрүү.
Кызыл-Октябрдагы клубду капиталдык ондоо
Миң-Булак айылындагы лоток
Өзгөрүш айылында каналды тазалоо
Ал эми Талас облусун өнүктүрүү фонду аркылуу жалпы суммасы 16,6 млн сомго төмөндөгү иштер аткарылган:
1) Бакай-Ата районунун Шадыкан айыл аймагынын Калинин каналынын 1658 метр аралыгын капиталдык ремонттоого каралган 10,1 млн сомдун 9,1 млн сому (1-2-3-транш 90%) которулган;
2) Бакай-Ата районунун Оро айыл өкмөтүнүн Май айылындагы спорт залдын курулушун аяктоо долбооруна каралган 4,9 млн сомдун 1,5 млн сому (1-транш 30%) которулган;
3) Бакай-Ата районунун Бакай-Ата айыл өкмөтүнүн Б.Жунусов атындагы орто мектебинин чатырын которуу долбооруна каралган 3,8 млн сомдун 3 млн сому (1-2-транш 80%) которулган;
4) Бакай-Ата райондук суу чарба башкармалыгына караштуу Көл-Түкөк каналынын 490 метр аралыгын капиталдык ремонттон өткөрүү үчүн курулуш материалдарын сатып алуу долбооруна каралган 5 млн сомдун калган 3 млн сому (1-2 транш 60%) которулган;
Б.Жунусов атындагы орто мектебинин чатырын которуу
Камсыздандыруу төлөмдөрү:
Турак жайды өрттөн жана табигый кырсыктардан милдеттүү камсыздандыруу боюнча 2022-жыл ичинде район боюнча 1795 турак жай камсыздандыруудан өткөрүлүп, белгиленген план тапшырма 68,3% орундалды. Социалдык обьектилерди камсыздандыруу боюнча 61 объект камсыздандыруудан өткөрүлгөн. Ошондой эле 8 техника камсыздандырылган.
Билим берүү тармагы:
Бакай-Ата районунда 2022-жылдын 10 айдын ичинде социалдык тармак боюнча жүргүзүлгөн иштери тууралуу токтолсок, Бакай-Ата районунда жалпы билим берүүчү 22 мектеп, 3 сааттык кыска мөөнөттүк «Балалык» программасы боюнча 3 мектепте 7 группа, 18 бала бакчалар балдарга билим жана тарбия берүү боюнча иш алып барууда.
2022-жылдын сентябрына карата 22 билим берүү мекемелеринде 10802 окуучу билим алып, 885 мугалим иштешүүдө. 18 бала бакчада 2134 бала тарбияланып, 131 тарбиячы эмгектенип жатат.
2022-жылдын 10 айына карата 2 бала бакча жана 1 орто мектептин жаңы корпустары ачылып, ишке берилди.
Алар:
- 2021-жылдын 11-октябрында Кең-Арал айылында 50 орундуу Төлбашы Алымкулов бала бакчасы;
- 2022-жылдын 10-январында Ынтымак айылында 75 орундуу «Алтын уя» балдар бакчасы;
- Боо-Терек айылында Д.Дүйшөбаев атындагы орто мектебинин жалпы суммасы 56, млн сомго 150 орундуу типтүү имаратынын курулушу бүткөрүлүп, 2022-жылдын 1-сентябрында пайдаланууга берилди.
Билим сапатынын көрсөткүчү болгон предметтик олимпиададагы жетишкен ийгликтерди атасак:
Райондук предметтик олимпиадага 138 окуучу катышып, 44 окуучу жеңүүчүлөр болуп аныкталып, I-II орунду алган 29 окуучу облустук предметтик олимпиадага катышып, 11 окуучу жеңүүчү болуп аныкталып, I-II орунду алган 6 окуучу республикалык предметтик олимпиадага катышкан.
2022-жылдын 4-февралында «Кыргыз Республикасынын эл мугалими» Бектур Исаковдун 80 жылдыгына карата облустук деӊгээлде кыргыз тили жана адабияты сабагынын мугалимдеринин курултайында Бакай-Ата району I-орунга ээ болду.
2022-жылдын 6-апрелинде облустук деӊгээлде Апрель баатырларын эскерүү иш-чарасы өтүлгөн. Иш-чарада мектеп окуучулары дилбаян жазып, сүрөт тартып, көркөм окуп беришкен. Дилбаян жазууда Боо-Терек айыл өкмөтүндөгү Б.Сатыбеков орто мектебинин окуучусу Дүйшенова Адинай II-орунду камсыздады;
Кыргыз Республикасынын мектеп лигасынын регламентинин негизинде спорттун 3 түрү (футбол, баскетбол, волейбол) боюнча облустук туру 2022-жылдын 13-17-апрелинде Талас шаарында өткөрүлгөн.
Волейболдо I–орун Бакай-Ата районунун А.Арыстанов мектебинин балдар командасы, футболдо I–орунду ээлешти. Республикалык турда волейбол боюнча Бакай-Ата районунун А.Арыстанов орто мектебинин кыздар командасы 2-орунду ээлеп, баалуу белектер менен бирге 200 миӊ сомдук сертификат менен сыйланышкан.
2022-жылдын 26-апрелинде «Манас таануу» телетаймашынын облустук туруна Д.Батырбашиев атындагы мектеп-гимназисынын «Даанышман» командасыкатышып байгелүү орунга ээ болгон.
2022-жылдын 4-мартта Өзбекстандын Хорезм шаарында кыздар арасында эркин күрөш боюнча эл аралык мелдеш болуп, Бакай-Ата районунун А.Арыстанов орто мектебинин 9-классынын окуучусу Абдрахманова Акылай катышып, 2-орунду камсыз кылган.
2022-жылдын 1-майда аскерге чейинки даярдоо сабагынын VII республикалык аскердик спартакиадасынын облустук туру өткөн. Облустук турда Бакай-Ата Районун Э.Капалов атындагы орто мектебинин 11-классынын окуучулары 3-орунду алышты.
2022-жылдын 5-6-майында «Жылдын мыкты мугалими» жана «Жылдын мыкты тарбиячысы» аттуу облустук кароо сынагында Бакай-Ата районундагы Э.Капалов атындагы орто мектебинин тарых сабагынын мугалими Алтынбек кызы Алмакан катышып, республикалык туру 2022-жылдын 3-4 октябрында Бишкек шаарында өтүп, Алтынбек кызы Алмакан грамота менен сыйланган.
Бакай-Ата райондук эмгек, социалдык камсыздоо жана миграция башкармалыгы калкка социалдык кызмат көрсөтүү боюнча аз камсыз, көп балалуу үй бүлөлөр, кароосуз калган улгайган жарандар жана балдар менен иштөөдө бир топ иштер жүргүзүлүп, маалымат базасы түзүлүп, өз убагында жаңыртылып турууда. 2022-жылдын 1-ноябрына карата район аймагында 34 жетим бала, 604 жарым жетим, 8 бала камкордукка, 9 бала көзөмөлгө алынып, 5 баланы асыроого алып кетишти.
2022-жылдын 1-ноябрына карата райондун аймагында 19 айылда 13310 үй-бүлө жашайт (2021-жылдын 1-ноябрына карата 13138 үй-бүлө). 172 үй-бүлөгө көбөйгөн. Эмгек жана социалдык өнүгүү башкармалыктары тарабынан 873 аз камсыз үй-бүлөлөрдүн 3129 балдарына мамлекеттик жөлөк пул, 712 адамга (анын ичинен 446 балага) социалдык жөлөк пул чектелип, өз убагында төлөнүп берилди.
2022-жыл ичинде райондо эмгек жана социалдык өнүгүү башкармалыгы тарабынан турмуштук оор кырдаалга кабылган 34 үй-бүлөгө жекече иштөө пландары, 107 балага жекече коргоо пландары түзүлүп, бекитилип берилген.
Эмгек рыногу иш менен камсыз кылуу жана миграция маселеси боюнча иш менен камсыз кылуу боюнча 2022-жыл 1-ноябрына карата жумуш издеп кезекте турган эмгекке жарамдуу жумушсуз калктын саны 851 адамды түздү.
Ал эми, жалпы район боюнча 454 адам официалдуу жумушсуз статусун алган. (2021-жылдын 1-ноябрына карата 433) 4,85% жумушсуз статусун алган жарандар көбөйгөн. 2022-жылдын 1-ноябрына карата официалдуу түрдө катталган жумушсуздардын ичинен коомдук акы төлөнүүчү иштерге 348 адам тартылды. (2021-жылдын 1-ноябрына карата 263 адам тартылган). 2022-жылдын 1-ноябрына карата район боюнча 85 адамга же 32,32% көп адам убактылуу жумуш менен камсыз болгон. Отчеттук мезгилде 85 адам жумушка орноштурулган. (2021-жылы 1-ноябрына карата 70 адам орноштурулган). 2022-жылынын 1-ноябрына карата район аймагында жалпы мигранттардын саны 1608 адам. Алардын ичинен тышкы мигранттар 1115 адам, ички мигранттар 493 адам. Район боюнча жалпы пенсионерлердин саны 7320, алардын ичинен жаш курагы боюнча 5180, майыптыгы боюнча 1604 пенсия курагындагы «Баатыр энелердин» саны 588 аял.
Бакай-Ата районунда жакыр жашаган үй-бүлөнүн жалпы саны 1465 үй-бүлөнү түзөт. Гуманитардык жардамдар боюнча Бакай-Ата районуна 2022-жылдын 14-январында Министрлер кабинетинин №8 тескемесинин негизинде мамлекеттик материалдык резервдер фондусунан 1161 кап ун бөлүнүп, райондогу аз камсыз үй-бүлөлөргө таратылып берилди.
Ушундай эле күнүмдүк азыктын бири болгон тамак-аш майы жана кум шекерди арзан баада сатуу шарты менен Бакай-Ата районуна Материалдык резервдик фондунан бөлүнгөн 6050 кг кум шекер менен 10875 литр май калктын аялуу катмарына бөлүштүрүлүп берилди.
Баткен облусунда болгон окуяларга байланыштуу Бакай-Ата районунан 1 фура менен жалпы баасы 1 млн 388 миң 740 сомду түзгөн 19,8 тонна азык-түлүк, 500 кг гигиеналык каражаттар, жууркан төшөк жана кийим-кечектер жөнөтүлгөн. Ошондой эле 9 айыл өкмөттөн 9 боз үй толук жабдыктары менен жөнөтүлдү. Бакай-Ата районундагы мекеме-уюмдардын жана айыл өкмөттөрдүн кызматкерлери тарабынан жардам иретинде которулган 1 күндүк эмгек акылары жалпы 1 993 272 сом, жеке ишкерлер тарабынан 31 000 сом, райондун тургундары тарабынан 92 000 сом акча которулган. Жалпы 3 млн 505 миң сом акча которулган.
Саламаттык сактоо тармагы боюнча райондун элине медициналык жардамды 39 жогорку билимдүү дарыгер жана 168 орто билимдүү мээрмандар көрсөтүшөт. Саламаттык сактоо тармагындагы негизги көйгөйлүү маселеси дарыгерлердин жетишсиздиги. Район боюнча кадрлардын жетишсиздиги 13 дарыгерди (2021-жылы 15 дарыгер) түзөт. Алардын ичинде үй-бүлөлүк дарыгерлерден 5 адис, 1 онколог, 1 нарколог, 1 рентгенолог, 1 кардиолог, 1 фтизиатр, 1 өспүрүмдөр дарыгери, 1 хиррург, 1 терапевт жетишсиз.
2022-жылдын 10 айына карата 694 ымыркай төрөлгөн (2021-жылдын 10 айына – 802) же болбосо өткөн жылга караганда 108 балага аз төрөлгөн. 2021-жылдын 10 айына карата 1 жашка чейин 6 бала өлгөн болсо, 2022-жылында 10 айына карата балдардын өлүмү боюнча 2 учур катталды.
Өлүмдүн себеби перинаталдык мезгилде өрчүгөн абал, тубаса аномалиялар, дем алуу органдарынын патологиялары, инфекциялык ж.б. оорулар болуп саналат. Бүгүнкү күндө балдардын өлүмүн кыскартуу максатында, кош бойлуу энелер менен иш алып баруу иштери көзөмөлгө алынууда. Ошондой эле үй-бүлөнү пландаштыруу маселесин жолго коюуну социалдык бөлүмдөр, айыл активисттери, АДКлар менен бирдикте жер-жерлерде каралууда.
Эне өлүмдүүлүгү 2022-жылдын 10 айына карата Бакай-Ата району боюнча учур катталган жок.
- Бакай-Ата айыл аймагына караштуу Наматбек айылына ФАП араб фонду тарабынан курулуп, ишке берилди.
- 2022-жылдын 10 айында гуманитардык жардамдардын эсебинен 458796 сомго жасалма дем алдыргыч аппарат, видеоларингоскоп, 2 аба концентратору алынды.
Коронавирус менен күрөшүү: 2022-жылдын 10 айында Бакай-Ата районунда COVID-19 боюнча 64 учур катталган. СОVID-19 илдетин алдын алуу жана жайылтпоо максатында 2021-жылдын 16-апрелинен баштап эмдөө иштери жүргүзүлгөн. Жалпы дарыгерлер практикалык борбору жана санитардык-эпидемиологиялык көзөмөлдөө бөлүмүнүн кызматкерлеринин ыкчам аракеттеринин негизинде эмделгендердин жалпы саны 17677 кишини түздү. Бул жалпы эмдөөгө жарамдуу калктын 101,9% түзөт. Бустердик кошумча доза менен эмделгендердин саны 9128 киши.
• Кургак учук менен ооругандардын жалпы саны 2021-жылдын 10 ай аралыгында 22 учур, анын ичинен өпкөнүн кургак учугу 18 бейтап. 14 жашка чейинкилер 2 адам.
• 2022-жылга – 19 учур, анын ичинен өпкөнүн кургак учугу 8 учур, 14 жашка чейинкилер 4 учур.
• Сасык тумоо боюнча 2021-жылдын 10 ай аралыгында 513 учур катталса, 2022-жылдын 10 ай аралыгында 396 учур катталып, 117 адамга азайган,
Паразитология оорулар боюнча 2022 жылдын 10 айы:
• Эхинококкоз 2021-жылы 3 учур катталса, 2022-жылы 3 учур катталган.
• Аскаридоз мите курту 2021-жылы катталган эмес, 2022-жылы 1 учур катталган.
• Энтеребиоз 2021-жылдын 10 айында 14 учур катталса 2022- жылдын ушул мезгилине 15 учур катталды.
Маданият тармагы боюнча 9-май - Улуу жеңиш күнүнө карата райондун борборунда жайгашкан Улуу Ата Мекендик согушта курман болгон жоокерлерге арналган эстеликтин алдында митинг-реквием болуп, аким А.Имаров согуштун катышуучусуна жана оруктун ардагерлерине акчалай сыйлыктарын тапшырды.
Кара-Буура районунун Көк-Сай айылында жайгашкан Кочкор-Ата жайыгында 2022-жылдын 24-25-июнунда «Куттуу элдин урааны – Манас» аттуу республикалык форум жана манасчы, төкмө акындардын фестивалына Бакай-Ата районунан 6 боз үй тигилип, Бакай-Ата районуна бөлүнгөн Чүй, Баткен облустарынан келген конокторго жана райондун элине сый тамактар берилип, концерттик программалар тартууланган.
31-август Кыргыз Республикасынын Эгемендүүлүк күнүнө карата райондук маданият үйүндө улуттук тамак-аш көргөзмөсү, райондун элине арналган концерттик программа тартууланды жана борбордук стадиондо кыргыз күрөш, аркан тартыш, футбол оюндары өткөрүлдү.
16-сентябрь Кара-Буура районунун Чымгент айылында СССРдин баатыры Чолпонбай Түлөбердиевдин 100 жылдык мааракесине арналган иш-чарага Бакай-ата районунан 10 боз үй тигилип, келген конокторго жана райондун элине сый тамактар берилип, концерттик программалар тартууланган.
2022-жылдын 1-ноябрында коомдук-саясий ишмер, Социалисттик эмгектин баатыры Корчубек Акназаровдун 100 жылдык мааракесине арналган иш-чара Кызыл-Октябрь айылында өткөрүлдү. Иш-чарада ат чабыш, улак тартыш, күрөш ж.б улуттук оюндар өткөрулүп, оюндардын жалпы байге фонду 600 миң сомду түздү. 17-18-ноябрь күндөрү Бишкек шаарында К.Акназаровдун 100 жылдыгына арналган илимий-конференция болуп өттү.
Ысык-Көл облусунун Чолпон-Ата шаарында 2022-жылдын 18-21 мартында өткөн көк бөрү оюну боюнча президенттин кубогунда Бакай-Ата району 18 команданын ичинен 4 орунду ээлеген жана 40 жаштан жогоркулардын оюнунда Бакай-Ата району 2-орунду алды.
Ош шаарында 2022-жылдын 22-23мартында өткөн кыргыз күрөш боюнча өткөн республикалык чемпионатта Бакай-Ата районунун балбандары 66 кг салмакта Шамбек уулу Мирхат, 96 кг салмакта Идирисов Нурислам 1-орунду ээлешип, Түркия мамлекетинде өтүүчү Көчмөндөр оюндарына жолдомо алышты.
2022-жылдын 28-мартында Бакай-Ата районунун борборунда тогуз корголчу Курманбек Мамбеталиев жаркын элесине арналган жаш өспүрүмдөр арасында республикалык мелдеш өткөрүлгөн. Мелдешке 150 спортчу катышкан.
Бишкек шаарында 1-2-июнь күндөрү өспүрүм кыздар арасында өткөн республикалык чемпионатта Өзгөрүш айылынын тургундары Жапарова Асел жана Асамаликова Аяна 1-орунду алып, Бахрейн мамлекетинде өтүүчү Азия биринчилиге жолдомо алышкан.
Кең-Арал айыл аймагынын А.Арыстанов атындагы орто мектебинин окуучулары мектеп лигасынын алкагында кыздар арасында валейбол оюну боюнча республикадан 2-орунду камсыз кылышкан.
Бишкек шаарында 20-25-июнь күндөрү грек-рим, эркин жана кыз-келиндер арасында көрүш боюнча Азия чемпионаты өтүп, Оро айылыны тургундары Мээрим Жуманазарова, Айпери Медет кызы жана Адилхан Нурланбеков Азия чемпиону болушту.
Түркия мамлекетинде өткөн Дүйнөлүк көчмөндөр оюндарында Бакай-Ата районунун Өзгөрүш айылынын тургуну Тынчтык уулу Хабибулло белбоо күрөшү боюнча 1 алтын медаль, Бакай-Ата айылынын тургуну Узенов Манас Капишмали түрк күрөшү боюнча 1 алтын медаль жана Оро айыл өкмөтүнүн көк бөрү оюнчусу Мырзабек уулу Абдулас Кыргызстандын курама командасы менен ойноп, 1 алтын медалга ээ болушкан.
Социалистик эмгектин баатыры жана Улуу Ата Мекендик согуштун ардагери Корчубек Акназаровдун 100 жылдык маарекесине арналган улуттук спорт оюндары өттү. 2022-жылдын 9-ноябрында Бакай-Ата районунун Боо-Терек айыл аймагында көк бөрү боюнча таймаш өткөрүлдү. Белгилүү ишмер Айдаралиевдин турниринде райондор арасында өткөн көк бөрү мелдешинде Бакай-Ата районунун командасы 3-орунду ээлешти.
Имаров Алгынбай Төралиевич
Өмүр баяны
Имаров Алгынбай Төралиевич 1967-жылы 6-апрелде Баткен облусунун Кадамжай районунун Сары-Камыш айылында туулган. 1974-жылы Жаңы-Жер атындагы орто мектебинин босогосун аттап 1984-жылы аяктаган. 1985-1987-жылдары Советтик Армиянын катарында кызмат өтөөгө чакырылып, Украинанын Житомир шаарында кызмат өтөгөн.
1988-жылы К.И.Скрябин атындагы Кыргыз айыл чарба институтунун агрономия факультетине тапшырып, 1993-жылы аяктап, агроном кесибине ээ болгон. 2000-2003-жылдары Жусуп Баласагын атындагы Улуттук университеттинин юридикалык факультетин бүтүрүп, юриспруденция адистигине ээ болгон.
1993-1995-жылдар аралыгында Бүргөндү совхозунда агроном-бакчы болуп иштеген. 1995-жылдан 2006-жылга чейин жеке ишкерлик менен алектенген. 2006-2008-жылдар аралыгында «Рахманкул хан» жоопкерчилиги чектелген коомунда башкы директор болуп иштеген. 2008-жылы Айыл чарба министрлигинин Мамлекеттик химиялаштыруу, коргоо жана өсүмдүктөрдүн карантини департаментинде башкы адис болуп эмгектенген. 2008-2009-жылдары Бишкек шаардык мамлекеттик химиялаштыруу, коргоо жана өсүмдүктөрдүн карантини инспекциясында инспектор болуп иштеген. 2009-2011-жылдары Бишкек шаардык Мамлекеттик химиялаштыруу, коргоо жана өсүмдүктөрдүн карантини инспекциясынын башчысы болуп эмгектенген.
2011-2012-жылдары Айыл чарба министрлигинин Өсүмдүктөрдүн карантини боюнча мамлекеттик кызматтынын директорунун орун басары болгон. 2012-2014-жылдары Санитардык, ветеринардык жана фитосанитардык коопсуздук боюнча мамлекеттик инспекциясынын директорунун орун басары, КРнын Башкы мамлекеттик фитосанитардык инспектору болуп иштеген.
2014-2017-жылдары Айыл чарба министрлигинин Өсүмдүктөрдү химиялаштыруу жана коргоо боюнча мамлекеттик департаментинде бөлүм башчысы болуп иштеген. 2017-жылы Өкмөттүн аппаратынын агроөнөр жай комплекси жана экология бөлүмүнүн башчысынын орун басары болуп иштеген. 2017-2019-жылдары Айыл чарба жана тамак-аш өнөр жайы министрлигинин өсүмдүктөрдүн карантини департаментинин директорунун орун басары болуп эмгектенген.
2019-2020-жылдары Баткен облусунун Кадамжай районунун акимт болуп иштеген. 2021-жылдын 22-майынан баштап Талас облусунун Бакай-Ата районунун акимт кызматын аркалап келе жатат.
3 уул, 1 кыздын атасы.